काठमाडौं। नेपाल लाइफ इन्स्योरेन्सले चालु आर्थिक वर्ष दोस्रो त्रैमाससम्म ४६ करोड ८१ लाख रुपैयाँ खुद नाफा आर्जन गरेको छ।

यो पोहोर ६ महिनाको तुलनामा ९.४५ प्रतिशतले बढी हो। कम्पनीले पोहोर ६ महिनामा ४२ करोड ७७ लाख रुपैयाँ खुद नाफा कमाएको थियो।

कम्पनीले खुद बीमा शुल्क १२.२६ प्रतिशतले बढाएको छ भने आम्दानी १४.३५ प्रतिशत बढेको छ। कम्पनीको व्यवसाय बढ्दा मुनाफा राम्रो भएको हो।

कम्पनीको खुद दाबी भुक्तानी १५.९४ प्रतिशत बढेको छ। कम्पनीको प्रति सेयर आम्दानी ११ रुपैयाँ ४१ पैसा पुगेको छ। प्रति सेयर नेटवर्थ १५४.१ रुपैयाँ छ।