काठमाडौं। बन्दीपुर केवलकार एण्ड टुरिजम लिमिटेडले सर्वसाधारणलाई बिक्री गर्ने भएको छ।
कम्पनीले अंकित मूल्य १०० रुपैयाँ दरका २५ लाख ८० हजार कित्ता सेयर सर्वसाधारणलाई बिक्री गर्ने भएको हो।
सेयर निष्काशनका लागि कम्पनीले नेपाल एसबिआई मर्चेण्ट बैकिङ्ग लिमिटेडलाई बिक्री प्रबन्धकमा नियुक्त गरेको छ।
नियुक्ति सम्बन्धि सम्झौतापत्रमा एसबिआइका प्रबन्ध संचालक तथा प्रमुख कार्यकारी अधिकृत देवराज अधिकारी र बन्दीपुर केवलकारका अध्यक्ष रामचन्द्र शर्माले हस्ताक्षर गरेका छन्।
अब बिक्री प्रबन्धकले सेयर जारी गर्ने सम्बन्धि सम्पूर्ण काम सुरु गर्छ। नेपाल धितोपत्र बोर्डमा आवेदन दिने र त्यहाँबाट स्वीकृति पाएपछि सेयर जारी हुने छ।
