काठमाडौं । साताको पहिलो दिनै आइतवार सुन पाँच सय रुपैयाँले महँगो भएको छ, आइतवारका लागि नेपाल सुन चाँदी व्यवसायी महासंघले प्रतितोला ५० हजार पाँच सय रुपैयाँ तोकेको छ । अन्तराष्ट्रिय बजारमा सुनको मूल्यमा वृद्धि भएपछि त्यसको असर आन्तरिक बजारमा परेको हो । आइतवार चाँदीको मूल्यमा भने कुनै परिवर्तन भएन । अन्तराष्ट्रिय बजारमा चाँदी अझै पनि स्थिर हुन सकेको छैन् । यसअघि शुक्रवार पनि सुन तोलाको पाँच सय रुपैयाँ बढेर कारोवार भएको थियो । अघिल्लो साता सुनमा अहिलेसम्मकै ठूलो छ हजार तीन सय रुपैयाँको गिरावट आएपछि प्रतितोला ४९ हजार पाँच सय रुपैयाँमा झरेको थियो ।