काठमाडौं। रिलायबल नेपाल लाइफ इन्स्योरेन्स कम्पनीले संस्थापक सेयरधनीको हिस्सा घटाउन लागेको छ।
कम्पनीले सर्वसाधारण सेयरधनीको हिस्सा बढाएर संस्थापक सेयरधनीको हिस्सा ५१ प्रतिशतमा झार्न लागेको हो।
कम्पनीमा हाल संस्थापक सेयरधनीको हिस्सा ७० प्रतिशत र सर्वसाधारण सेयरधनीको हिस्सा ३० प्रतिशत छ।
कम्पनीको सञ्चालक समितिले सर्वसाधारणको सेयर हिस्सा ४९ प्रतिशत पुर्याउने निर्णय गर्दै नेपाल बीमा प्राधिकरणको स्वीकृति लिइ आगामी वार्षिक साधारण सभामा प्रस्ताव लाने भएको छ।
कम्पनीको चुक्ता पुँजी हाल ५ अर्ब १९ करोड ६८ लाख रुपैयाँ छ।
