काठमाडौं। सुनचाँदीको मूल्यमा बुधबार सामान्य गिरावट छ। अघिल्लो दिनको भन्दा सुन तोलामा ६ सय रुपैयाँ घटेको छ भने चाँदी १५ रुपैयाँ सस्तिएको छ।
बुधबार सुनको कारोबार मूल्य प्रति तोला २ लाख ७७ हजार ३ सय रुपैयाँ निर्धारण भएको नेपाल सुनचाँदी व्यवसायी महासंघले जनाएको छ।
यसअघि मंगलबार एकैदिन ४ हजार ५ सय रुपैयाँले घटेर कारोबार मूल्य प्रति तोला २ लाख ७७ हजार ९ सय रुपैयाँ भएको थियो।
चाँदीको मूल्य बुधबार प्रति तोला ४ हजार २ सय ७० रुपैयाँ कायम भएको छ। मंगलबार तोलाको ४ हजार २ सय ८५ रुपैयाँ थियो।
अन्तर्राष्ट्रिय बजारमा सुनचाँदीको मूल्य घटेको छ। बुधबार सुन प्रति औंस ३९७१.१६ डलर र चाँदी प्रति औंस ५७.५२ डलरले कारोबार भइरहेको छ।
मंगलबार सुन प्रति औंस ३९८७.७४ डलर र चाँदी प्रति औंस ५७.५९ डलर थियो।
