काठमाडौं। नेपाल बीमा प्राधिकरणले १९ वटा बीमा कम्पनीको वित्तीय विवरण स्वीकृत गरेको छ।
प्राधिकरणले १० वटा जीवन, ६ वटा निर्जीवन र ३ वटा लघु बीमा कम्पनीको गत आर्थिक वर्षको वित्तीय विवरण स्वीकृत गरेको हो।
बीमा ऐन अनुसार इन्स्योरेन्स कम्पनीले लेखापरीक्षण भएको वासलात र नाफा नोक्सानको विवरण अर्को आर्थिक वर्षको ६ महिनाभित्र प्राधिकरणमा पेस गर्नुपर्ने व्यवस्था छ।
प्राधिकरणबाट २०८१/८२ को वित्तीय विवरण स्वीकृत भएका बीमा कम्पनीमा जीवन बीमातर्फ सिटिजन लाइफ, नेपाल लाइफ, आइएमई लाइफ, सानिमा रिलायन्स, नेसनल लाइफ, प्रभु महालक्ष्मी, सन नेपाल, रिलायबल नेपाल, सूर्यज्योति लाइफ र एलआईसी छन्।
यस्तै, निर्जीवनतर्फ आईजीआई प्रुडेन्सियल, सिद्धार्थ प्रिमियर, शिखर, सगरमाथा लुम्बिनी, नेपाल र एनएलजी इन्स्योरेन्स छन्।
लघुबीमातर्फ गार्डियन माइक्रो लाइफ, प्रोटेक्टिभ माइक्रो इन्स्योरेन्स र लिबर्टी माइक्रो लाइफ इन्स्योरेन्सको वित्तीय विवरण स्वीकृत भएको छ।
हाल १४/१४ वटा जीवन र निर्जीवन बीमा कम्पनी १४ वटा, ७ वटा लघु बीमा कम्पनी र २ वटा पुनर्बीमा कम्पनी सञ्चालनमा छन्।
