काठमाडौं। प्रभु बैंक लिमिटेडका ग्राहक तथा कर्मचारीहरूले काठमाडौं-२२ न्यूरोडस्थित जोय स्टोरमा एप्पलका ग्याजेट किन्दा छुट पाउने भएका छन्। बैंकले छुट प्रदान गर्ने सम्बन्धमा स्टोरसँग सम्झौता भएको जनाएको छ।
सम्झौतापत्रमा जोय स्टोरका कार्यकारी निर्देशक गुरु दत्त शर्मा र प्रभु बैंकका चिफ मार्केटिङ अफिसर रमेश कुमार श्रेष्ठले हस्ताक्षर गरेका छन्।
सम्झौताअनुसार प्रभु बैंकका कर्मचारी र ग्राहकले जोय स्टोरमा आईफोन र म्याकबुक खरिद गर्दा ५ प्रतिशत छुट पाउनेछन्। त्यस्तै आईफोन र म्याकबुकका एसेसोरिजमा २० प्रतिशतसम्म छुट पाउने बैंकले बताएको छ।
त्यसैगरी, बैंकका क्रेडिट कार्डवाहकले इन्स्टापे स्किमबाट किस्ताबन्दीको सुविधा पनि पाउने छन्।
