काठमाडौं। सरकारले संस्थागत लगानीकर्तालाई लगानीको नयाँ उपकरण खुला गर्ने भएको छ। अर्थमन्त्री विष्णु पौडेलले आगामी आर्थिक वर्षको बजेट प्रस्तुत गर्दै सेयर बजारमा सूचीकृत कम्पनी र अन्य संस्थागत लगानीकर्तालाई उद्योगको स्व:पुँजी, ऋणपत्र लगायत अन्य क्षेत्रमा लगानी गर्न सहजीकरण गरिने बताएका हुन्।
‘धितोपत्र बजारमा सूचीकृत लगानी कम्पनी र अन्य संस्थागत लगानीकर्तालाई राष्ट्रिय प्राथमिकता प्राप्त उद्योगको स्वःपुँजी, ऋणपत्र र अन्य धितोपत्रमा लगानी गर्न सहजीकरण गरिनेछ,’ उनले भने।
कर्मचारी सञ्चय कोष, नागरिक लगानी कोष र सामाजिक सुरक्षा कोषले प्राइभेट इक्विटी र भेन्चर्स क्यापिटलमा लगानी गर्न सक्ने गरी कानुनी व्यवस्था गरिने उनले बताए।
