काठमाडौं। आर्थिक शिथिलताले व्यवसाय बढाउन नसक्दा त्यसको असर वाणिज्य बैंकहरुको ब्यालेन्ससिटमा परेको छ। चालु आर्थिक वर्ष ९ महिनामा वाणिज्य बैंकहरुले पोहोरको सोही अवधिको तुलनामा मुनाफा जम्मा १.४ प्रतिशतले बढाएका छन्। यो वृद्धि कर्जा नोक्सानी व्यवस्थामा राष्ट्र बैंकले लिएको लचिलो नीतिका कारण सम्भव भएको हो।

राष्ट्र बैंकले निर्माण क्षेत्रको कर्जालाई पुनर्संरचना र पुनर्तालिकीकरण गरिदिँदा पनि बैंकहरुको नाफा वृद्धिमा बल पुगेको हो। २० वटा बैंकले ९ महिनामा कमाएको मुनाफा ४१ अर्ब २४ करोड रुपैयाँ छ। ११ बैंकले नाफा बढाउँदा ९ वटाको भने खुम्चिएको छ।

नाफाको वृद्धिदरमा नेपाल बैंक अगाडि छ भने धेरै नाफा गर्नेमा नबिल बैंक पहिलो नम्बरमा छ। नेपाल बैंकको नाफा २०३२.८ प्रतिशतले वृद्धि भएको छ। नाफा २ अर्ब ७८ करोड रुपैयाँ नाफामा छ।

यस्तै नबिलले ५ अर्ब ५ करोड रुपैयाँ नाफा गरेको छ। नाफा वृद्धिको दर ८.२ प्रतिशत छ।

बैंकरहरुका अनुसार अपेक्षाअनुसार कर्जाको माग नभए पनि राष्ट्र बैंकले निर्माण क्षेत्रको कर्जा पुनर्संरचना र पुनर्तालिकीकरणको गर्न पाउने सुविधाले गर्दा राहत पुगेको हो। साथै, यसअघि कर्जा नोक्सानी व्यवस्था १.१० प्रतिशतबाट घटाएर १ प्रतिशतमा झारेका कारण नाफा बढेको उनीहरूले बताएका छन्।

राष्ट्रिय वाणिज्य, स्टान्डर्ड चार्टर्ड, हिमालयन, एनआइसी एसिया, कुमारी, सिद्धार्थ, कृषि, सिटिजन्स र प्राइम बैंकको नाफा भने खुम्चिएको छ।

वाणिज्य बैंकहरुको मुनाफा (रु. हजारमा)