
काठमाडौं। चालु आर्थिक वर्षको दोस्रो त्रैमाससम्ममा अधिकांश वाणिज्य बैंकहरूले मुनाफा बढाएका छन्। आर्थिक गतिविधि बढ्न नसकेर व्यवसाय विस्तार गर्न नसकेका बेला असुलीमा सुधार हुँदा अधिकांश बैंकहरू नाफामा देखिएका हुन्।
दोस्रो त्रैमासिक वित्तीय विवरण सार्जनिक गरेका १० वाणिज्य बैंकहरूमध्ये ७ वटा बैंकले नाफा बढाउँदा ३ बैंकको भने खुम्चिएको छ। एनआइसी एशिया, कुमारी र नेपाल बैंकको नाफा खुम्चिएको हो।
प्रभु बैंकको नाफा सबैभन्दा धेरै ८५.४९ प्रतिशतले वृद्धि भएको छ। धेरै नाफा गर्नेमा भने ग्लोबल आइएमई बैंक छ।
आर्थिक गतिविधि सुस्त भएपनि केन्द्रीय बैंकले असुली सुधारका कारण नाफा बढेको बैंकरहरूले बताएका छन्। नयाँ लगानी सुस्त रहेका बेला बैंकहरू असुलीमा केन्द्रित हुँदा नाफा बढेको उनीहरूको भनाइ छ।
कुन बैंकको नाफा कति ?
वाणिज्य बैंकहरू | २०८१/०८२ दोस्रो त्रैमाससम्मको नाफा (रु.000) | २०८०/०८१ दोस्रो त्रैमाससम्मको नाफा (रु.000) | नाफा फरक (प्रतिशत) |
---|---|---|---|
एनआइसी एसिया | १५१७३० | १९०३८०७ | -९२.०३ |
प्रभु | १३३६१३८ | ७२०३४१ | ८५.४९ |
नेपाल इन्भेष्टमेन्ट मेगा | २८३२३२६ | १८०१९४४ | ५७.१८ |
कुमारी | २७५७३० | ८६७२११ | -६८.२ |
ग्लोबल | ३०५३४८९ | २०४२३२९ | ४९.५१ |
एभरेष्ट | २०७४७६३ | १७१३१४८ | २१.११ |
हिमालयन | १५१८७७० | १५०३९७४ | ०.९८ |
एनएमबि | २००३५४० | १३७५९८७ | ४५.६१ |
नेपाल | ४६१०१७ | ५९००५१ | -२१.८७ |
लक्ष्मी सनराइज | ११६२०७६ | १०५९२१० | ९.७१ |