काठमाडौं। सशस्त्र प्रहरी बलको टोलीले बागलुङको द क्लिफमा बञ्जी जम्प गरेको छ।
सशस्त्र प्रहरी बलका ६८ जनाले सोमबार बञ्जी जम्प गरेको द क्लिफका अध्यक्ष राजु कार्कीले जानकारी दिए।
सशस्त्रमा भर्ना भएका असईहरूका लागि साहसिक खेलअन्तर्गत बञ्जी गराइएको हो। नेपाल प्रहरी र सशस्त्र प्रहरी बलका विभिन्न तालिमअन्तर्गत यसअघि पनि विभिन्न समूहलाई क्लिफमा बन्जी जम्प गराइएको थियो।
कालीगण्डकी नदीको खोंचमाथि बनाइएको द क्लिफमा विश्वकै दोस्रो अग्लो बन्जी जम्प सञ्चालनमा छ।
