काठमाडौं । सुदूरपश्चिम प्रदेश सरकारले विद्युतीय र इन्धनबाट संचालन हुने सवारीसाधनले वार्षिक रुपमा तिर्ने कर ५ हजारसम्म बढाएको छ। आर्थिक विद्येयक २०८१ मार्फत प्रदेश सरकारले सवारीसाधनको वार्षिक कर बढाएको हो।

सवारीसाधन दस्तुर तथा शुल्क प्रदेश अन्तर्गतका यातायात व्यवस्था कार्यालयले संकलन गरि मासिक रुपमा प्रदेश सञ्चित कोषमा दाखिला गर्नुपर्ने व्यवस्था छ।

प्रदेश सरकारले विद्युतीय र इन्धन दुवै सवारीमा लाग्दै आएको वार्षिक करमा २ सयदेखि ५ हजारसम्म बढाएको हो। चार पाङ्ग्रे निजी इन्धन सवारी साधनको हकमा २ हजारदेखि ५ हजारसम्म वार्षिक तिर्ने कर बढाइएको छ। यस्तै चार पाङ्ग्रे सार्वजनिक इन्धन सवारी साधनको हकमा २ सयदेखि ५ हजारसम्म बढेको छ। यसैगरि, दुई पाङ्ग्रे निजी इन्धन सवारीको हकमा एक सयदेखि २ हजार ५ सयसम्म बढेको छ।

चार पाङ्ग्रे निजी इभीमा पनि प्रदेश सरकारले कर बढाएको छ। जसमा किलोवाट अनुसार २ हजारदेखि ५ हजार रुपैयाँ कर बढेको छ। दुई पाङ्ग्रे निजी इभीमा पनि २ सयदेखि ५ सय रुपैयाँ कर बढाइएको छ। सार्वजनिक इभीमा १ हजारदेखि ५ हजार रुपैयाँसम्म कर बढेको छ।

सवारी दर्ता प्रमाणपत्र ब्लु बुक नवीकरण र प्रतिलिपि दस्तुर शुल्क पनि केही बढाइएको छ। जसमा सार्वजनिक तथा निजी ठूला, मझौला तथा साना सवारीको नवीकरण दस्तुर एकदेखि दुई सयसम्म बढेको छ। प्रतिलिपि दस्तुर भने १ हजार रुपैयाँ कायम गरिएको छ।

यस्तै, सवारी साधन दर्ता दस्तुरमा पनि वृद्धि गरिएको छ। जसमा सार्वजनिक तथा निजी ठूला, मझौला तथा साना सावरीको दर्ता दस्तुर २ सयदेखि १ हजारसम्म बढेको छ।

प्रदुषण जाँच दस्तुर, नविकरण र प्रतिलिपि तथा अन्य दस्तुर समेत बढाइएको छ। यसमा सार्वजनिक तथा निजी ठूला, मझौला तथा साना सावरीको दर्ता दस्तुर एक सयदेखि दुई सय रुपैयाँसम्म बढेको छ।

सवारी साधन कर निजी

सवारी साधन कर मोटर साइकल तथा स्कुटर

सवारी साधन कर सार्वजनिक सवारी

सवारी साधन कर चार पाङ्ग्रे इभी

दुई पाङ्ग्रे इभी

सार्वजनिक इभी चार पाङ्ग्रे