काठमाडौं। सरकारले नवप्रवर्तन (स्टार्टअप) उद्यमीलाई प्रोत्साहन गर्न स्टार्टअप कोष स्थापना गर्ने भएको छ।
आगामी आर्थिक वर्ष २०८१/८२ को बजेट मंगलबार संसदमा सार्वजनिक गर्दै अर्थमन्त्री वर्षमान पुनले कोष स्थापनको लागि बजेट विनियोजन गरेको बताएका हुन्। उक्त कोषको लागि १ अर्ब रुपैयाँ विनियोजन गरिएको छ।
स्टार्टअपमा आधारित व्यवसायीका लागि पुँजी जुटाउने सरकारी योजना भने हालसम्म सुस्त छ। कर्जा योजनामा पनि धेरै प्रकारका झन्झट छन्।
सरकारका निकायले आवेदन मागेर कार्ययोजना प्रस्तुति र छनोटका लागि व्यवसायीलाई लामो समय अलमल्याउँदै आएको छ।
