काठमाडौं। महिन्द्रा उत्सव योजना अन्तर्गतका लक्की ड्र विजेताहरुलाई अग्नि ग्रुपले पुरस्कार हस्तान्तरण गरेको छ। महिन्द्रा अटोमोबाइल र ट्रयाक्टरहरूको आधिकारिक बिक्रेता अग्नि ग्रुपले विश्वकर्मा पूजा, दसैं, तिहार र छठ पूजालाई लक्षित गरि ‘महिन्द्रा उत्सव २०२३’ विशेष योजना महिन्द्रा ट्रयाक्टर खरिद गर्ने ग्राहकहरुका लागि लागु गरेको थियो।
उक्त योजना अन्तर्गतका विजेताहरुको नामावली लक्की ड्रमार्फत गत चैत ६ मा सार्वजनिक गरिएको थियो। जसमा वीरगंजका आदेश कुँवरले महिन्द्रा इलेक्ट्रिक तीन पांग्रे रिक्सा-ट्रियो यारी, बिर्तामोडका निवासी मिसेक फयाकले जावा फोर्टी टु मोटरसाइकल र चरिकोटबाट देवकोटा निर्माण सेवाले ५ केभीए महिन्द्रा पावरोल जेनेरेटर जितेका थिए।
त्यसै अनुरुप ५ केभीए महिन्द्रा पावरोल जेनेरेटर जितेको चरिकोटको देवकोटा निर्माण सेवालाई वैशाख २६ गते काठमाडौंमा उक्त पुरस्कार हस्तान्तरण गरिएको थियो। त्यसैगरि जावा फोर्टी टु मोटरसाइकलका विजेता मिसेक फयाकलाई बिर्तामोडमा वैशाख २७ गते स्थानीय कार्यक्रममार्फत उक्त पुरस्कार हस्तान्तरण गरिएको कम्पनीले जनाएको छ।
यस्तै महिन्द्रा इलेक्ट्रिक तीन पांग्रे रिक्सा-ट्रियो यारी जितेका आदेश कुँवरलाई वीरगंजमा कार्यक्रम आयोजना गर्दै वैशाख २९ गते पुरस्कार हस्तान्तरण गरिएको कम्पनीले जनाएको छ।
