काठमाडौं । सूर्यज्योति लाइफ इन्स्योरेन्सको नाफा उल्लेख्य बढेको छ। कम्पनीले चालु आर्थिक वर्षको दोस्रो त्रैमाससम्म २३ करोड ६६ लाख रुपैयाँ खुद नाफा कमाएको छ।

अघिल्लो ६ महिनाको तुलनामा कम्पनीको खुद नाफा ६२.९२ प्रतिशतले वृद्धि भएको सार्वजनिक वित्तीय विवरणले देखाउँछ।
पोहोर ६ महिनामा कम्पनीले १४ करोड ५२ लाख रुपैयाँ नाफा आर्जन गरेको थियो। कम्पनीको व्यवसाय विस्तारमा देखिएको सुधारले नाफामा उच्च वृद्धि भएको देखिन्छ।

यो अवधिसम्म सूर्यज्योति लाइफले ४ अर्ब १५ करोड रुपैयाँ खुद प्रिमियम संकलन गरेको छ। कम्पनीको प्रतिसेयर नेटवर्थ १६५.१५ रुपैयाँ छ ।

प्रतिसेयर आम्दानी १०.१४ रुपैयाँ छ। दोस्रो त्रैमाससम्म कम्पनीको चुक्ता पुँजी ४ अर्ब ५४ करोड रुपैयाँ छ।