काठमाडौं । कालीमाटी तरकारी बजारमा आज डल्ले च्याउको मूल्यमा प्रतिकिलो १५ रुपैयाँ घटेको छ।

आज डल्ले च्याउको प्रतिकिलो थोक मूल्य २६० रुपैयाँ कायम भएको छ। हिजो डल्ले च्याउ औसत् २७५ रुपैयाँमा बिक्री भएको थियो।

डल्ले च्याउको मूल्य घटदा कन्य च्याउको मूल्य भने प्रतिकिलो २० रुपैयाँ बढेको छ। कन्य च्याउको हिजो प्रतिकिलो ९० रुपैयाँ रहेकोमा आज थोक मूल्य ११० रुपैयाँ पुगेको छ।

यस्तै, लोकल काक्रोको मूल्य पनि १० रुपैयाँले बढेको छ। आज लोकल काक्रोको प्रतिकिलो थोक मूल्य ४५ रुपैयाँ तय भएको छ। हिजो लोकल काक्रोको मूल्य ३५ रुपैयाँ थियो।

गाजरको मूल्य भने १० रुपैयाँ घटेको छ। हिजो ५५ रुपैयाँ प्रतिकिलो औसत मूल्यमा बिक्री भएको गाजरको मूल्य आज ४५ रुपैयाँ कायम भएको छ।

कालीमाटीमा आज तरकारी, फलफूल र माछाको थोक मूल्य कति ?