काठमाडौं । कालीमाटी तरकारी बजारमा आज भारतीय गोलभेडाको मूल्य ५ रुपैयाँले बढेको छ। बिहीबार भारतीय गोलभेडाको थोक मूल्य औसतमा प्रतिकिलो ६० रुपैयाँ तय भएको हो। बुधबार भारतीय गोलभेडाको ५५ रुपैयाँ थियो।

यस्तै, आज सानो लोकल गोलभेडाको औसत मूल्य ४५ र टनेलको सानो गोलभेडाको ५०.२० रुपैयाँ तोकिएको छ। भारतीय सानो गोलभेडाको भने ४८.४० रुपैयाँ पुगेको छ।

आज गाजरको मूल्य भने १० रुपैयाँले घटेको छ। बुधबार प्रतिकिलो १२६.६७ रुपैयाँमा कारोबार भएको गाजर आज ११६.६७ रुपैयाँ रहेको छ।

आज रातो आलुको प्रतिकिलो थोक मूल्य ५६.५० रुपैयाँ तय हुँदा भारतीय रातो आलुको मूल्य ३५.६७ रहेको छ। मुडेको रातो आलुको मूल्य भने ५१.७५ रुपैयाँ रहेको छ।

बुधबार भन्दा कागतीको मूल्यमा भने २० रुपैयाँले वृद्धि भएको छ। हिजो २०६ रुपैयाँ तय भएको कागतीको प्रतिकिलो थोक मूल्य आज २२६ रुपैयाँ पुगेको छ। यस्तै, आज तामाको औसत मूल्य प्रतिकिलो ९६.३६ रुपैयाँ रहेको छ।

कालीमाटीमा आज कृषि उपजको थोक मूल्य कति?