एनएसीको भैरहवा-काठमाडौं-मलेसिया उडानमा हङकङ र दिल्ली पनि जोडिंदै, ‘कनेक्टिङ फ्लाइट’ भोलिदेखि

बिजमाण्डू
२०८० भदौ ११ गते १२:४६ | Aug 28, 2023
एनएसीको भैरहवा-काठमाडौं-मलेसिया उडानमा हङकङ र दिल्ली पनि जोडिंदै, ‘कनेक्टिङ फ्लाइट’ भोलिदेखि

काठमाडौं। नेपाल वायुसेवा निगमले गौतमबुद्ध अन्तर्राष्ट्रिय विमानस्थलबाट हुँदै आएको काठमाडौं-मलेसिया-भैरहवा-काठमाडौं उडानमा दिल्ली र हङकङलाई पनि जोड्ने भएको छ। उडानमा यात्रु कम भएपछि निगमले दिल्ली र हङकङलाई पनि जोड्ने भएको हो।

Tata
GBIME
Nepal Life

निगमका प्रवक्ता रमेश पौडेलले काठमाडौं आइपुग्दा जहाज नै खाली हुने स्थितिका कारण ‘कनेक्टिङ फ्लाइट’ गर्न लागेको बताए। ‘मलेसियाबाट आउने केही यात्रु भैरहवा र केही काठमाडौं झर्छन्। काठमाडौं आइपुग्दा जहाज खाली हुनुभन्दा कनेक्टिङ फ्लाइटमार्फत यात्रु बढाउन लागेका हौँ’, प्रवक्ता पौडेलले भने।

निगमले अहिले भैरहवा-काठमाडौं-मलेसिया-भैरहवा-काठमाडौं रुटमा हरेक मंगलबार एउटा उडान गर्दै आएको छ। दिल्ली र हङकङ जोड्दा यात्रु बढे उडान बढाउने निगमको योजना छ।

बिहान ८:१५ मा भैरहवाबाट उडेको जहाज ९:०० बजे काठमाडौं आइपुग्नेछ। त्यसमा हङकङ र दिल्ली जाने यात्रुले पनि सेवा लिन पाउनेछन्। यसका लागि निगमले टिकट बुकिङ खुला गरिसकेको छ।