काठमाडौं। कालीमाटी बजार विकास समितिले शुक्रवारको लागि तरकारीको थोक मूल्य तय गरेको छ।

शुक्रवार ठूलो गोलभेडा (नेपाली) को न्यूनतम थोक मूल्य प्रतिकिलो १०० रुपैयाँ र अधिकतम ११० रुपैयाँ कायम भएको छ। बिहीवार भने न्यूनतम मूल्य ९० रुपैयाँ र अधिकत मूल्य ११० रुपैयाँ रहेको थियो।

त्यस्तै, सानो गोलभेडा (लोकल) को न्यूनतम थोक मूल्य प्रतिकिलो ३५ रुपैयाँ र अधिकतम मूल्य ४५ रुपैयाँ तय भएको छ। सानो गोलभेडा (टनेल)को न्यूनतम थोक मूल्य ५६ रुपैयाँ छ भने अधिकतम मूल्य ६६ रुपैयाँ रहेको छ।

रातो आलुको न्यूनतम थोक मूल्य ४८ रुपैयाँ र अधिकतम मूल्य ५० रुपैयाँ कायम हुँदा भारतीय रातो आलुको न्यूनतम मूल्य ३६ रुपैयाँ र अधिकतम मूल्य ३८ रुपैयाँ पुगेको छ।

आज स्थानीय काउली (ज्यापु)को न्यूनतम थोक मूल्य ८० रुपैयाँ र अधिकतम मूल्य ९० रुपैयाँ रहेको छ। रातो मुलाको न्यूनतम मूल्य ३० रुपैयाँ र अधिकतम मूल्य ४० रुपैयाँ पुगेको छ।

पुदिनाको न्यूनतम थोक मूल्य २०० रुपैयाँ र अधिकतम मूल्य २५० रुपैयाँ रहेको छ। कागतीको न्यूनतम मूल्य १४० रुपैयाँ छ भने अधिकतम मूल्य १६० रुपैयाँ तय भएको छ।