विन्टर सिजनमा पनि हिमाल आरोहण गर्ने बढ्दै, १५ आरोहीबाट साढे ६ लाख रुपैयाँ रोयल्टी

बिजमाण्डू
२०७९ पुष २८ गते ०९:४१ | Jan 12, 2023
विन्टर सिजनमा पनि हिमाल आरोहण गर्ने बढ्दै, १५ आरोहीबाट साढे ६ लाख रुपैयाँ रोयल्टी


काठमाडौं। हिमाल आरोहणका लागि विन्टर सिजनमा पनि पर्यटकको माग देखिएको छ। पुसमा १५ जना हिमाल आरोहीमार्फत विभिन्न पाँचवटा हिमाल आरोहण भएको छ। सिजन र अफसिजन अवधारणाबीच मै भिन्नता आएको पर्यटन विभागका  निर्देशक युवराज खतिवडाले बताए।

Tata
GBIME
Nepal Life

‘हिमाल आरोहणका लागि प्राय जसो सिजनमा मात्र उपयुक्त हुने मानिँदै आइएको थियो। तर विन्टर सिजनमा पनि विभिन्न हिमालमा सफल आरोहण हुन सक्नु भनेको मुलुककै लागि सकारात्मक पक्ष हो,’ निर्देशक खतिवडाले भने,’यसो हुँदा आगामी दिनमा पनि हिमाल आरोहीको माग क्रमिक रुपमा वृद्धि हुने देखिएको छ।’         

उनका अनुसार पुसको पहिलो साताबाट हिमाल आरोहणका लागि आवेदन आएको थियो। पुस २१ गतेसम्म हिमाल आरोहणका लागि आएका पर्यटकमार्फत विभागले साढे ६ लाख ५५ हजार ६ सय ३२ रुपैयाँ रोयल्टी प्राप्त गरेको विभागले जनाएको छ।

विभागले चुकीमा गो (६२५८ मिटर), अमादब्लम (६८१४ मिटर), चोयु (८२०१ मिटर), धौलागिरी(८१६७ मिटर), मनास्लु (८१६३ मिटर) लगायत हिमाल आरोहणका लागि स्विकृति दिएको जनाएको छ। यी हिमाल आरोहणका लागि क्रमशः २, ४, ३, २, ४ जना आरोहीलाई स्विकृति दिइएको जनाइएको छ।