काठमाडौं। सूर्या लाइफ इन्स्योरेन्सले आर्थिक वर्ष २०७७/७८ को नाफाबाट सेयरधनीहरुलाई लाभांश वितरण नगर्ने भएको छ। कम्पनीको असोज ९ गते बसेको संचालक समितिको बैठकले लाभांश वितरण नगर्ने निर्णय गरेको हो।
सूर्या र ज्योति लाइफ इन्स्योरेन्स एक आपसमा गाभिने सम्बन्धी प्रारम्भिक सम्झौता भएकाले लाभांश वितरण नगर्ने भएको कम्पनीले जनाएको छ।
कम्पनीको वित्तीय विवरण अनुसार आर्थिक वर्ष २०७७ / ७८ मा वितरण योग्य मुनाफा वितरण नगरी जगेडा कोषमा राख्ने निर्णय भएको कम्पनीले जनाएको छ।
ज्योती लाइफसँग मर्जरमा गएको सूर्या लाइफको एकीकृत कारोबार कात्तिकबाट हुँदैछ । हाल कम्पनीको चुक्ता पुँजी २ अर्ब ५५ करोड
र ज्योति लाइफको २ अर्ब ४२ करोड रुपैयाँ छ। मर्जरपछि दुई कम्पनीको चुक्ता पुँजी ४ अर्ब ९७ करोड हुनेछ ।