भूकम्पको बेला साल्ट ट्रेडिङले आयात गरेको २५ करोडको जस्ता वीरगंजमा नष्ट हुँदै, कसैले किनेनन्




वीरगंज। साल्ट ट्रेडिङ कर्पोरेसन केन्द्रीय कार्यालय काठमाडौंले आयात गरेको करिब २५ करोड रुपैयाँको जस्ता पाता वीरगंजमा खेर गइरहेको छ ।

६ वर्ष पहिला भूकम्प पीडितलाई वितरण गर्न भारतबाट आयात गरिएको जस्ता पाता वीरगंजस्थित खाद्य व्यवस्था तथा व्यापार कम्पनी लिमिटेडको यार्डमा थन्केर नष्ट हुने  अवस्थामा पुगेको हो ।

TATA
RiddiSiddi

खुल्ला चौरमै घामपानीमा विगत ६ वर्षदेखि थन्किएर राख्दा करिब ५० हजार बन्डलको जस्ता पाता नष्ट हुन लागेको साल्ट ट्रेडिङ कम्पनीका अधिकारीहरुले बताएका छन् ।

कर्पोरेसनको केन्द्रीय कार्यालयले गत २०७२ वैशाखको भुकम्पपछि साउनमा भारतको कोलकाताबाट खरिद गरी ल्याएको जस्ता लिलामीको सूचना केन्द्रीय कार्यालयबाटै पटक पटक प्रकाशित समेत गरी सकेको छ । तर हालसम्म ठेकदारले उक्त जस्ता पाता खरिद नगरेको बताइएको छ ।

एक अधिकारीका अनुसार भूकम्पपछि उक्त जस्तापाता बिक्री गर्न शुरुमा सरकारले अनुमति दिइएन, पछि दुई पटक टेण्डर आह्वान गर्दा पनि कसैले सकारेनन् ।

भारतको कोलकातास्थित जिन्दल कम्पनीबाट उक्त जस्ता खरिद गरी ल्याएको थियो । एउटा बन्डलमा न्युनतम ३ सय ५६ थान जस्ता छ । एउटै बन्डलको मूल्य न्युनतम ३ लाख ७५ हजार रुपैयाँ परेको छ ।

खाद्य व्यवस्था तथा व्यापार कम्पनी लिमिटेड वीरगंजले परिसर खाली गराउन र जस्ता पाता लैजान कर्पोरेसनलाई पटकपटक पत्राचार गर्दा समेत कुनै टुंगो नलगाएको  बताएको छ ।

कार्यालयका सूचना अधिकृत मुनिलाल कुशवाहाले खाद्य व्यापार एवं  साल्ट ट्रेडिङ एउटै मन्त्रालय अन्तर्गतको रहेकाले जस्ता यहाँ भण्डारण गर्न  अनलोड गरिएको बताए ।


Share this Story

   

Advertisements

Most Read


bizmandu

facebook     twitter
© Copyright 2012 Bizmandu Pvt. Ltd. All Rights Reserved.
Ncell