बीमा कम्पनीहरुले अहिलेको दावी भुक्तानीमा कसरी व्यवस्थापन गर्छन भन्ने पनि महत्वपूर्ण पक्ष हो । भूकम्पले मोटर र मोटरसाइकलमा निकै ठूलो क्षति भएको छ । यही बेला कम्पनीहरुले मार्केटिङ गरेर प्रिमियम संकलन गर्नु पथ्र्यो । कम्पनीहरुलाई नोक्सान होइन, व्यवसायनै ठूलो बनाउने अबसर हो यो । 

निर्माणसँग सम्बन्धित उद्योगहरु जस्तापाता, सिमेन्ट, रडलगायतका उद्योगहरु पूर्ण क्षमतामा चल्छन् । निर्माणसँग सम्बन्धित अन्य सानातिना उद्योगहरु पनि राम्रोसँग चल्छन् । 

बैंक तथा बिमा व्यवसाय पनि बढ्छ । तर विलासिताका बस्तुको व्यापार भने निकै घट्नेछ । कम्तिमा पनि आगामी दसैंसम्म यस्ता उत्पादन व्यापार निकै कम हुनेछ । 
 

भूकम्पले करिब सात लाख घर भत्किए । यी घर त फेरि बनाउनु पर्यो । त्यस्तै सार्वजनिक सम्पदा, भौतिक पूर्वाधारमा पनि क्षति पुगेको छ । 
 

यसले भौतिक पुर्वाधारमा निकै ठूलो अवसर देखाउँछ र वस्तिहरु व्यवस्थित हुनेछन् । व्यवसायको पनि विकास हुनेछ । 
 

उनीहरुका परिवार सुरक्षित आवासमा बसेपछि मात्रै कामदार र कर्मचारी उद्योगमा फर्किन्छन् । फलाम, स्टिलसँग सम्बन्धित उद्योग भने अहिले पुरा क्षमतामा चल्न थालेका छन् । केही समयका लागि यिनै उद्योगमा संभावना बढी छ ।