काठमाडौं । पियरसनले आधिकारिक पीटीई एआई प्रक्टिस सार्वजनिक गरेको छ। यो यसको आधिकारिक एआई-संचालित उपकरण हो, जसले नेपालका परीक्षाार्थीहरूलाई विदेशमा अध्ययन गर्न, काम गर्न र बस्नका लागि आवश्यक पर्ने पियरसन टेस्ट अफ इंग्लिश (पीटीई) परीक्षाको तयारी गर्न सहयोग पुर्याउने कम्पनीले जनाएको छ।
परीक्षार्थीहरूले यसबाट मोक टेस्ट र व्यक्तिगत प्रश्नहरू पूरा गर्न सक्छन् र तुरुन्तै स्कोर तथा प्रतिक्रिया प्राप्त गर्न सक्ने जनाइएको छ। त्यसपछि एआई ट्युटरबाट लक्षित मार्गदर्शन प्राप्त गर्न सकिने र यसले उनीहरूलाई कहाँ सुधार गर्न आवश्यक छ भन्ने कुरा ठ्याक्कै देखाउने जनाइएको छ। यो उपकरणले पीटीई एकेडेमिक र पीटीई कोर दुवैको तयारीका लागि सहयोगी हुने भनिएको छ।
प्रत्येक वर्ष लाखौं मानिसहरू विदेशमा विश्वविद्यालयको सिट, जागिरको प्रस्ताव वा भिसा आवेदनका लागि एक महत्त्वपूर्ण कदमको रूपमा अंग्रेजी भाषा परीक्षा दिने गर्छन्। अफिसियल पीटीई एआई प्रक्टिसको माध्यमबाट परीक्षार्थीहरूले आधिकारिक अभ्यास प्रश्नहरू प्रयोग गरी तयारी गर्न सक्ने र आधिकारिक मूल्यांकन मापदण्डअनुरूपको नतिजा तथा सुझाव प्राप्त गर्न सक्ने जनाइएको छ। यसले उनीहरूमा आत्मविश्वास बढाउनुका साथै परीक्षाको दिन कस्तो अपेक्षा गर्ने भन्नेबारे स्पष्ट बुझाइ विकास गर्न मद्दत गर्ने विश्वास लिइएको छ।
यस वर्ष पीटीई दिने योजना बनाइरहेका नेपालका परीक्षार्थीहरूले अहिले नै तयारी सुरु गर्नुपर्ने कम्पनीले विज्ञप्तिमार्फत जनाएको छ। पीटीई परीक्षा निरन्तर विकसित भइरहेको र परीक्षार्थीहरू समयसँगै आउन सक्ने परिवर्तनहरूका लागि तयार हुनुपर्ने विज्ञप्तिमा उल्लेख छ।
आधिकारिक पीटीई एआई प्रक्टिसले शिक्षार्थीहरूलाई परीक्षा बुझ्न, आत्मविश्वास निर्माण गर्न र प्रभावकारी रूपमा तयारी गर्न मद्दत गर्न आधिकारिक प्रश्नहरू, तत्काल स्कोरिङ, र लक्षित प्रतिक्रियालाई एकै ठाउँमा ल्याउने जनाइएको छ।
‘छिटो सुरु गर्दा उनीहरूलाई अगाडि रहन, परीक्षाको दिनको अनुभवका लागि तयार हुन, र विश्वव्यापी अध्ययन तथा क्यारियरका अवसरहरूतर्फ काम गर्दा आजका पीटीई तयारीका स्रोतहरूको अधिकतम सदुपयोग गर्न मद्दत गर्दछ,’ पियरसन साउथ एसियाका अंग्रेजी भाषा सिकाइका क्षेत्रीय डायरेक्टर प्रभु रविन्द्रनले भने।
अफिसियल पीटीई एआई प्रक्टिसले नेपालका परीक्षार्थीहरूलाई विश्वव्यापी अध्ययन तथा करियरका अवसरहरूतर्फ अघि बढ्नका लागि तयारी गर्ने थप व्यवस्थित र आत्मविश्वासपूर्ण माध्यम प्रदान गर्दै यस आवश्यकतालाई सम्बोधन गर्ने कम्पनीले जनाएको छ।
‘यो शिक्षक र विद्यार्थी दुवैका लागि एउटा उपयोगी साधन हो,’ पीटीई परीक्षाका लागि विद्यार्थीहरूलाई तयार पार्ने अंग्रेजी शिक्षिका मारिया जर्जेस वाडियाले भनिन्, ‘यसले दिने प्रतिक्रिया विस्तृत र काम लाग्ने खालको हुन्छ, साथै एआईले कार्यक्षमता सुधार्न मद्दत गर्ने व्यावहारिक सुझावहरू पनि प्रदान गर्छ।’
पीटीई एआई प्रक्टिस हाल नेपाल, भारत र चीनमा उपलब्ध छ, र सन् २०२६ को तेस्रो त्रैमासदेखि अन्य बजारहरूमा पनि उपलब्ध हुनेछ।
अफिसियल पीटीई एआई प्रक्टिस सुरु गर्न निःशुल्क छ, जस अन्तर्गत लचिलो सशुल्क योजनाहरू मार्फत थप तयारी गतिविधिहरू पनि उपलब्ध रहेको जनाइएको छ।
