काठमाडौं। साताको दोस्रो दिन अमेरिकी डलर स्थिर रहँदा युरो, स्वीस फ्रयांक, अष्ट्रेलियन डलर, क्यानेडियन डलर लगायत केही मुद्राको मूल्य घटेको छ। पाउण्ड स्टर्लिङ, सिंगापुर डलर, कतारी रियाल, दक्षिण कोरियन वोन र स्वीडिस क्रोनरको मूल्यमा सामान्य बढोत्तरी छ।

राष्ट्र बैंकका अनुसार सोमबार १ अमेरिकी डलरको खरिद दर १५४ रुपैयाँ २१ पैसा र बिक्रीदर १५४ रुपैयाँ ८१ पैसा छ। यो दर आइतबारकै बराबर हो। उच्च मूल्यमा पुगेर गत बिहीबारयता अमेरिकी डलर स्थिरजस्तै छ।

गत बुधबार खरिद दर १५३ रुपैयाँ ६८ पैसा र बिक्री दर १५४ रुपैयाँ २८ पैसा थियो। बिहीबार खरिद दर १५४.२१ र बिक्री दर १५४.८१ भएकोमा त्यसयता स्थिरजस्तै छ।

सोमबार युरोपियन युरोको खरिद दर १७५ रुपैयाँ ३१ पैसा र बिक्री दर १७५ रुपैयाँ ९९ पैसा कायम भएको छ। आइतबारको तुलनामा खरिदमा ३३ पैसा र बिक्रीमा ३३ पैसा घटेको हो। स्वीस फ्रयांक पनि खरिदमा ३८ पैसा र बिक्रीमा ३८ पैसा घटेर क्रमशः १८८ रुपैयाँ ४९ पैसा र १८९ रुपैयाँ २२ पैसामा झरेको छ।

यस्तै अष्ट्रेलियन डलर खरिदमा १७ पैसा र बिक्रीमा १७ पैसा तथा क्यानेडियन डलर खरिदमा १२ पैसा र बिक्रीमा १२ पैसा घटेको छ। जापानी येन पनि एक/एक पैसा घटेको छ।

यता पाउण्ड स्टर्लिङको मूल्य भने सामान्य बढेको छ। यसको खरिददर अघिल्लो दिनका तुलनामा ८ पैसा बढेर २०५ रुपैयाँ ४६ पैसा र बिक्रीदर पनि ८ पैसा बढेर २०६ रुपैयाँ २६ पैसा पुगेको छ। सिंगापुर डलर खरिद र बिक्री दुवैमा ३/३ पैसा बढेको छ।

कतारी रियाल खरिद र बिक्रीमा २/२ पैसा बढेको छ भने दक्षिण कोरियन वोन खरिदमा ३ पैसा र बिक्रीमा २ पैसा बढेको छ। स्वीडिस क्रोनर पनि खरिद र बिक्री दुवैमा २/२ पैसा बढेको छ।

चिनियाँ युआन, साउदी अरेबियन रियाल, यूएई दिराम, मलेसियन रिंगिट, कुवेती दिनार, बहराइन दिनार र ओमानी रियालको विनिमयदर स्थिर छ।

यस्तै थाइ भाटको बिक्रीदर एक पैसा घटेको छ भने डेनिस क्रोनर खरिदमा ३ पैसा र बिक्रीमा ४ पैसा घटेको छ। हङकङ डलरको खरिददर पनि एक पैसा घटेको छ भने बिक्रीदर स्थिर रहेको राष्ट्र बैंकले जनाएको छ।

यस्तो छ आजको विनिमय दर