काठमाडौं। सुनचाँदीको मूल्य लगातार घट्न थालेको छ। अघिल्लो दिनको भन्दा सुन तोलामा ९ सय रुपैयाँले घटेको छ भने चाँदी ५५ रुपैयाँ सस्तिएको छ।

बुधबार सुनको कारोबार मूल्य प्रति तोला २ लाख ८७ हजार १ सय रुपैयाँ भएको छ। यसअघि सोमबारका तुलनामा १ हजार ४ सय रुपैयाँले घटेर मंगलबार तोलाको २ लाख ८८ हजार रुपैयाँमा कारोबार भएको थियो। साताको पहिलो दिन प्रति तोला २ लाख ९० हजार ३ सय रुपैयाँ थियो।

चाँदी तोलामा ५५ रुपैयाँले घटेको छ। बुधबार कारोबार मूल्य तोलाको ४ हजार ५ सय रुपैयाँमा आइपुगेको छ।

मंगलबार तोलाको ४ हजार ५ सय ५५ र सोमबार ४ हजार ५ सय ८५ रुपैयाँमा कारोबार भएको थियो।

अन्तराष्ट्रिय बजारमा सुन प्रति औंस ४१२३.९९ डलर र चाँदी प्रति औंस ६०.३९ डलरले कारोबार भइरहेको छ। मंगलबार सुन प्रतिऔंस ४१२५.५९ डलर र चाँदी ६०.७५ डलर थियो।