काठमाडौं। फिफा विश्वकपको प्रि-क्वाटरफाइनलका खेलहरु सकिएसँगै क्वाटरफाइनलको समीकरण पूरा भएको छ। ४८ देशबाट विश्वकप उपाधिको होडमा अब ८ टोलीमात्र बाँकी छन्।
प्रिक्वाटरफाइनल टुंगिँदा पोर्चुगल, ब्राजिलजस्ता विश्वकप उपाधि दाबेदार सहित क्यानडा, पाराग्वे, मेक्सिको, अमेरिका, इजिप्ट र कोलम्बिया पनि बाहिरिए। अब, उपाधि होडमा स्पेन, नर्वे, फ्रान्स, इङ्ग्ल्याण्ड, मोरोक्को, बेल्जियम, अर्जेन्टिना र स्वीटजरल्याण्ड बाँकी छन्।
क्वाटरफाइनलमा शुक्रबार (बिहान)राति पौने २ बजे फ्रान्स र मोरोक्को भिड्नेछन् भने बेल्जियम र स्पेन शनिबार पौने १ बजे आमनेसामने हुनेछन्। त्यस्तै, नर्वे र इङ्ग्ल्याण्ड आइतबार पौने ३ बजे आमनेसामने हुँदा अर्जेन्टिना र स्वीटजरल्याण्ड त्यहि दिन बिहान पौने ७ बजे भिड्नेछन्।
