काठमाडौं। सुनचाँदीको मूल्य पुनः उकालो लागेको छ। अन्तर्राष्ट्रिय बजारमा सुनचाँदीको मूल्यमा आएको उतारचढावको असर स्थानीय बजारमा पनि परेको छ।
नेपाल सुनचाँदी व्यवसायी महासंघका अनुसार मंगलबारको तुलनामा बुधबार सुनको मूल्य तोलामा २ हजार ८०० रुपैयाँ ले बढेको छ।
बुधबार सुनको मूल्य प्रति तोला २ लाख ४२ हजार ३०० रुपैयाँ निर्धारण भएको छ। मंगलबार ३ हजार ८०० रुपैयाँले घट्दै सुनको मूल्य प्रति तोला २ लाख ३९ हजार ५०० रुपैयाँ निर्धारण भएको थियो।
सोमबार सुनको मूल्य तोलामा ५०० रुपैयाँ बढेर प्रति तोला २ लाख ४३ हजार ३ सय रुपैयाँमा कारोबार भएको थियो।
बुधबार चाँदी ६० रुपैयाँले बढेको छ। बुधबार चाँदीको मूल्य प्रतितोला ३ हजार १५० रुपैयाँ कायम भएको हो।
चाँदी मंगलबार तोलामा ६५ रुपैयाँले घटेर प्रति तोला ३ हजार ९० रुपैयाँमा आइपुगेको थियो। सोमबार चाँदी तोलामा २० रुपैयाँ बढेर प्रति तोला ३ हजार १५५ रुपैयाँ पुगेको थियो।
अन्तर्राष्ट्रिय सञ्चारमाध्यमहरूका अनुसार आज अन्तर्राष्ट्रिय बजारमा सुन प्रति औँस ४ हजार ९५.९९ अमेरिकी डलरमा कारोबार भइरहेको छ। चाँदीको मूल्य प्रति औँस ५१.४२ अमेरिकी डलरमा कारोबार भइरहेको छ।
