काठमाडौं। नेपाल प्रिमियर लिग (एनपीएल)का लागि टिकट दर सार्वजनिक भएको छ। नेपाल क्रिकेट संघ (क्यान)ले बिहीबार एनपीएलका लागि टिकट दर सार्वजनिक गरेको हो।
उद्घाटनको दिन र शनिबारका लागि साधारणतर्फको टिकट शुल्क ५ सय रुपैयाँ र प्रिमियम टिकटको शुल्क १५ सय रुपैयाँ तोकिएको छ। त्यस्तै, शनिबारबाहेकका दिनका लिग चरणको खेलका लागि साधरणतर्फ ५ सय र प्रिमियम तर्फ १ हजार रुपैयाँ तोकिएको छ।
प्लेअफ र फाइनलका लागि साधारणतर्फ १ हजार रुपैयाँ र प्रिमियमतर्फ २ हजार रुपैयाँ तोकिएको छ। त्यस्तै सिजनल पासको लागि १५ हजार रुपैयाँ शुल्क तोकिएको छ।
टिकट खल्ती एपबाट लिन सकिनेछ।
एनपीएल मंसिर १ गतेबाट कीर्तिपुरस्थित टीयू क्रिकेट मैदानमा सुरु हुँदैछ।
