काठमाडौं। धनतेरसपछि सुनको भाउ घटेको छ। साताको पहिलो दिन सुनको भाउ तोलामा ४ हजार ८ सय रुपैयाँ घटेको छ।
आइतबार सुन प्रति तोला २ लाख ५३ हजार २०० रुपैयाँ रुपैयाँ निर्धारण भएको नेपाल सुनचाँदी व्यवसायी महासंघले जनाएको छ।
शुक्रबार सुन तोलामा ७ हजर १०० रुपैयाँ बढेर हालसम्मकै उच्च प्रति तोला २ लाख ५८ हजार रुपैयाँमा कारोबार भएको थियो।
शनिबार धनतेरसको दिन यहि मूल्यमा कारोबार भएको थियो।
चाँदीको मूल्य पनि आइतबार घटेको छ। चाँदी तोलामा ७५ रुपैयाँ घटेर प्रति तोला ३ हजार २७५ रुपैयाँ कायम भएको छ।
अन्तर्राष्ट्रिय बजारमा सुनको मूल्य घटेर प्रति औंस ४२४९.९४ डलर र चाँदी प्रतिऔंस ५१.९१ डलर छ।
