काठमाडौं। सेयर कारोबार ४२.१७ प्रतिशतले घटेको छ। चालु आर्थिक वर्ष दुई महिनामा ३ खर्ब ८६ अर्ब ७४ करोड रुपैयाँको सेयर कारोबार भएको छ। यो कारोबार रकम पोहोरको सोही अवधिको तुलनामा ४२.१७ प्रतिशत कम हो।

गत आर्थिक वर्ष दुई महिनामा ६ खर्ब ६७ अर्ब ७७ करोड रुपैयाँको सेयर कारोबार भएको थियो। यो वर्ष साउन दोस्रो सातासम्म उकालो लागेको बजार त्यसपछि निरन्तर ओरालो लाग्नाले कारोबार पनि घटेको थियो। त्यस्तै जेनजीको आन्दोलनका कारण भदौ २३ पछि एक साता सेयर बजार नै बन्द भएको थियो।

सेयर कारोबार रु १० लाखमा

अन्य बाहेकका उपसमूहको कारोबार घटेको छ। फाइनान्स कम्पनीको कारोबार सर्वाधिक ८४.३३ प्रतिशत घटेको छ। दुई महिनामा फाइनान्स कम्पनीको १० अर्ब ६० करोड रुपैयाँको सेयर किनबेच भएको छ।

हाइड्रोपावरको सबैभन्दा धेरै १ खर्ब ४० अर्ब रुपैयाँको सेयर कारोबार भएको छ।