काठमाडौं । जेनजी प्रदर्शनका कारण ठप्प भएको व्यापार व्यवसाय आजबाट खुल्न थालेका छन्। काठमाडौंको भित्री सहरमा निषेधाज्ञा र कर्फ्यूको प्रभाव अन्य स्थानमा भने कम देखिएको हो।

आज इन्द्रजात्राको अन्तिम दिन हो। आज रथ नतानी इन्द्रजात्रा सकाउने तयारी छ। असन, इन्द्रचोक, वसन्तपुर क्षेत्रमा बिहानैदेखि फुटपाथ व्यवसाय खुलेको थियो। तरकारी र फलफूल किन्न मानिसको भिड थियो।

यता न्यूरोड भने बन्द छ। यस्तै, खिचापोखरी र सुनधारा क्षेत्र पनि खुलेको छैन। त्यहाँ फाट्टफुट्ट मात्र पसल खुलेका छन्।

भित्री सहर सामन्यकरण हुँदै गर्दा घुम्न निस्कनेको संख्या पनि बढ्दो छ।