काठमाडौं । खानीखोला हाइड्रोपावरले हकप्रद सेयर निष्कासन गर्ने भएको छ। नेपाल धितोपत्र बोर्ड (सेबोन) ले कम्पनीलाई हकप्रद सेयर निष्कासन अनुमति दिएको हो।
खानीखोलाले चुक्ता पुँजी ४६ करोड ५७ लाख १४ हजार ३०० रुपैयाँको शतप्रतिशत हकप्रद सेयर निष्कासन गर्न अनुमति पाएको छ।
हकप्रद सेयर बिक्रीपछि कम्पनीको चुक्ता पुँजी ९३ करोड १४ लाख रुपैयाँ पुग्नेछ। कम्पनीको सेयर निष्कासन तथा बिक्री प्रबन्धकमा सिटिजन्स क्यापिटल छ।
