काठमाडौं। आगामी वर्षको बजेट घोषणाको अघिल्लो दिन सेयर बजार दोहोरो अंकले बढेको छ। नेप्से परिसूचक बुधबार १७.४४ अंकले बढेर २६९३.०६ विन्दुमा पुगेको हो।
कारोबारमा आएका जीवन बीमा, लघुवित्त, निर्जीवन बीमा कम्पनी र अन्य बाहेकका उपसमूहले बजार बढाएका हुन्।
१४८ कम्पनीको सेयर मूल्य बढेको छ। ओम मेगाश्री फर्मास्युटिकल्स र पियोर इनर्जीको सेयर मूल्यमा पोजेटिभ सर्किट लागेको छ।
९७ कम्पनीको सेयरमूल्य घट्दा लगानीकर्ताले गुमाएका छन्। बराही हाइड्रोपावरको सेयर मूल्य सबैभन्दा धेरै ५.२६ प्रतिशतले घटेको छ।
बजारमा ८ अर्ब ५८ करोड ६० लाख रुपैयाँको सेयर किनबेच हुँदा ङादी पावरको सर्वाधिक १ अर्ब ५ करोड ७३ लाख रुपैयाँको सेयर कारोबार भएको छ। राधी विद्युतको ६० करोड र युनिभर्सल पावरको ५१ करोड ६ लाख रुपैयाँको सेयर कारोबार भएको छ।
