काठमाडौं। वाणिज्य विभागले कैफियत देखिएको भन्दै विभिन्न चार कम्पनीलाई जरिवाना तिराएको छ।
विभागले सोमबार बजार अनुगमनका क्रममा कैफीयत देखिएको भन्दै प्रिमियर अटोमोबाइल्स, फेण्डस एण्ड कम्पनी, कल्पना गिफ्ट सप र कृष्ण श्रेष्ठ टेलरिङ सेन्टरलाई जरिवाना तिराएकोहो।
ललितपुर महानगर-१५ स्थित प्रिमियर अटोमोबाइल्सलाई ९० हजार तथा काठमाडौं महानगर-७ स्थित फेण्डस एण्ड कम्पनीलाई ८० हजार, कल्पना गिफ्ट सपलाई ६० हजार र कृष्ण श्रेष्ठ टेलरिङ सेन्टरलाई १५ हजार रुपैयाँ जरिवाना तिराएको विभागले जनाएको छ।
विभागले ललितपुर महानगर-१५ स्थित राजेश हार्डवेयरलाई इलेक्ट्रो वेल्डिङ रङ बिक्री गर्न रोक लगाएको छ। राजेश हार्डवेयरसहित चार कम्पनीलाई व्यवसायसँग सम्बन्धित कागजातसहित तीन दिनभित्र आफूकहाँ आउन विभागले निर्देशन दिएको छ।
