वाशिङ्टन। गुगलले आफ्नो आर्टिफिसियल इन्टेलिजेन्स (एआई) संचालित च्याटबोट जेमिनीमार्फत प्रयोगकर्ताहरूलाई तत्काल समाचार अद्यावधिकहरू प्रदान गर्न एसोसिएटेड प्रेस (एपी) सँग अभूतपूर्व साझेदारीको घोषणा गरेको छ।

गुगलले आर्टिफिसियल इन्टेलिजेन्सको प्रयोग गरेर रियल–टाइम सामग्री डेलिभर गर्न टेक दिग्गज र समाचार संस्था बीचको सहकार्यलाई पहिलो पटक वर्णन गरेको छ। साझेदारीको उद्देश्य जेमिनीलाई एपीबाट लाइभ अपडेटहरू प्रदान गर्ने, खोज परिणामहरूको शुद्धता बढाउने हो।

गुगलले यी अपडेटहरू चाँडै जेमिनीमा एकीकृत हुने पुष्टि गरेको छ। यद्यपि बोटले हाल वास्तविक–समय समाचार अद्यावधिकहरूको अनुपलब्धतालाई संकेत गर्ने सन्देश देखाउँछ।

एपीका प्रमुख राजस्व अधिकारी क्रिस्टिन हेटम्यानले भने, ‘साझेदारीले विश्वव्यापी दर्शकहरूलाई समयमै र सही समाचार र जानकारी प्रदान गर्न खोजेको छ।’ -क्युएनए/रासस