काठमाडौं। प्राथमिक शेयर निष्काशनमा कम्पनीको हिस्सा बढ्दै गएको छ। चालु आर्थिक वर्षमा ६९ प्रतिशत प्राथमिक शेयर जलविद्युत कम्पनीहरुले निष्काशन गरेका छन्।

त्यस्तै प्राथमिक शेयर निष्काशनको लागि पाइपलाइनमा रहेका मध्ये जलविद्युतको मात्रै ९५ प्रतिशत छ। चालु आर्थिक वर्षमा २५ वटा कम्पनीले ११ अर्ब ४२ करोड रुपैयाँको सार्वजनिक शेयर निष्काशन गर्ने अनुमति पाएका छन्।

तीमध्ये जलविद्युतको मात्रै ७ अर्ब ९६ करोड रुपैयाँको रहेको छ। त्यस्तै प्राथमिक शेयर निष्काशनको लागि १३ वटा कम्पनी पाइपलाइनमा रहेको मध्ये ९ वटा जलविद्युत कम्पनी, एउटा जलविद्युत कम्पनीमा लगानी गर्ने कम्पनी र तीन वटा बैंक तथा वित्तीय संस्था  रहेका छन्। 

उर्जा संकटको निवारण गर्ने क्रममा सरकारले लाइसेन्स लिएकालार्इ प्रोजेक्ट निर्माण नगरेमा लाइसेन्स खारेज गर्ने क्रम अगाडी बढाए सँगै शेयर निष्काशनको क्रम बढेको हो।जलविद्युत कम्पनीको शेयर निष्काशन बढ्न थाले सँगै नेपाल स्टक एक्सचेन्जमा बैंक तथा वित्तीय संस्थाको हिस्सा घट्दै जाने देखिएको छ।

प्राथमिक शेयर निष्काशनको लागी पाइपलाइनमा रहेका कम्पनी

आइपिओ निष्काशनका लागि अनुमति पाएका जलविद्युत कम्पनी
यस आर्थिक वर्षमा १४ वटा जलविद्युत कम्पनीले ७ अर्ब ९६ करोड रुपैयाँको प्रथमिक शेयर निष्काशन गर्ने अनुमती पाएका छन्।

केहि कम्पनी निष्काशन प्रकृयामा रहेका छन् भने अधिकांशले निष्काशन गरेका छन्। जस मध्ये ८ वटा कम्पनीले प्रभावित क्षेत्रको लागि शेयर निष्काशन गरेका हुन्।