कोभिड-१९ लकडाउन सुरु भएपछि चैत २४ गते एकदमै चुनौतीपूर्ण अवस्थामा गभर्नरको कार्यकाल सुरु गरेका उनी अर्थतन्त्रका समस्याहरु (फरक खालका) कै बीच बिदा हुन लागेका हुन्।

उनले आज बिहान साढे ११ बजे पत्रकारहरुसँग कुराकानी गरेका थिए। त्यसक्रममा उनले आफूले पाँच वर्षमा गरेका कामहरुको फेह्रिस्ट भनेका थिए।

उनले ५ वर्षमा गरेका कार्य र राष्ट्र बैंकले पाएको उपलब्धीहरु समेटिएको प्रकाशन पनि सार्वजनिक गरेका थिए।

आजै अधिकारीले राष्ट्र बैंकका उपत्यकामा भएका सम्पूर्ण कर्मचारीहरुसँग भेट गर्दैछन्। उनले साढे १२ बजे बालुवाटार परिसरमै बिदाइ लिने छन्।

The post बालुवाटारबाट बिदा हुँदै महाप्रसाद अधिकारी, राष्ट्र बैंकमा गभर्नरको अन्तिम दिन (तस्विरहरु) appeared first on BIZMANDU.

विद्यालय शिक्षा ऐन जारी गर्न माग गर्दै देशभरबाट शिक्षकहरु काठमाडौं आएका हुन्। हिजोबाट उनीहरुको काठमाडौं केन्द्रित प्रदर्शन सुरु भएको हो।

आज शिक्षकहरुले माइतीघर देखि बानेश्वरसम्म र्‍याली निकालेका थिए। बबरमहलमा कोणसभा गरेका शिक्षकहरुले विद्यालय शिक्षा ऐन जारी गर्न माग गरेका छन्।

उनीहरुले पूरा नभएसम्म दैनिक काठमाडौंमा आन्दोलन गर्ने जनाएका छन्।

शिक्षकहरुको आन्दोलनका कारण राजधानीको कयौं क्षेत्रमा ट्राफिक व्यवस्था अस्तव्यस्त बनेको छ।

The post सडकमा नाच्दै गाउँदै शिक्षकहरुको प्रदर्शन, माग पूरा नभएसम्म काठमाडौं नछाड्ने appeared first on BIZMANDU.

प्रसाईं समूहको प्रदर्शनमा विवादित धर्मगुरुहरु पनि सहभागी छन्। प्रहरीले रोक्दारोक्दै बानेश्वरतिर जाने खोजेपछि अश्रुग्यास प्रहार गरिएको हो।

प्रसाईं समूहले राजतन्त्रको माग गर्दै प्रदर्शन गरिरहेको हो।

The post तीनकुने चोकमा प्रसाईं समूहले तोड्न खोज्यो सुरक्षा घेरा, प्रहरीले गर्‍यो अश्रुग्यास प्रहार appeared first on BIZMANDU.

आज रत्नपार्कस्थित नेपाल विद्युत प्राधिकरणको केन्द्रिय कार्यालयमा केही समूहले विरोध प्रदर्शन गरेको हो।

सरकारले कुलमानलाई हटाएर प्राधिकरणको प्रबन्ध निर्देशकमा हितेन्द्र शाक्यलाई नियुक्त गरेको छ।

त्यसैको विरोधमा केही समूहले विरोध जनाएका हुन्। मुख्यालय बाहिर भेला भएकाहरुले सडक अवरुद्ध गर्न खोजेपछि प्रहरीले उनीहरुलाई रोकेको थियो।

त्यसक्रममा प्रहरी र प्रदर्शनकारीबीच केही समय घम्साघम्सी परेको थियो।

हिजोदेखि नै रत्नपार्कस्थित मुख्यालमा ठूलो संख्यामा प्रहरी परिचालन गरिएको छ।

The post विद्युत प्राधिकरण बाहिर प्रदर्शन, सडक अवरुद्ध गर्न खोजेपछि प्रहरीसँग घम्साघम्सी appeared first on BIZMANDU.

रत्नपार्कस्थित प्राधिकरणको केन्द्रिय कार्यालयमा प्रहरी तैनाथ गरिएको छ।

सशस्त्रसँगै नेपाल प्रहरीको टोली प्राधिकरण परिसरमा खटाइएका छन्।

कुलमान हटाएको विरोधमा विपक्षी दलले आज विरोध गर्न सक्ने भन्दै सतर्कता अपनाइएको हो।

The post विद्युत प्राधिकरणको प्रधान कार्यालय बाहिर बढाइएको सुरक्षा, जनपद र सशस्त्र प्रहरी तैनाथ appeared first on BIZMANDU.

विमानस्थलमै राष्ट्रिय प्रजातन्त्र पार्टीका नेताहरुले स्वागत गरेका थिए। त्यसपछि विमानस्थल गेटबाट निस्किएका ज्ञानेन्द्र शाहले गाडीबाटै हात हल्लाएर अभिवादन गरेका थिए।

राजावादीहरुले शाहलाई निर्मल निवास सम्म लग्ने कार्यक्रम बनाएका छन्। पूर्व जाको स्वागतमा भिड हुँदा मानिसहरु रुख चढेर हेरिरहेका थिए।

सो कार्यक्रममा राजावादीहरुले भारतको उत्तर प्रदेशका मुख्यमन्त्री योगी आदित्यनाथ र पूर्व राजाको तस्विर सँगै बोकेका थिए।

यो कार्यक्रमका कारण चक्रपथसँगै काठमाडौंको ट्राफिक व्यवस्था अस्तव्यस्त बनेको थियो।

The post पूर्वराजा ज्ञानेन्द्र शाहको काठमाडौंमा स्वागत, ट्राफिक व्यवस्था अस्तव्यस्त (तस्विरहरु) appeared first on BIZMANDU.

बीवाइडीले पहिलोपटक नेपालमा यस्तो प्रदर्शनी गरेको हो। नेपालका लागि आधिकारिक बिक्रेता साइमेक्स इंकसँगको सहकार्यमा कम्पनीले हिजोबाट प्रदर्शनी सुरु गरेको हो।

प्रदर्शनी अवलोकन गर्न आज चिनियाँ राजदूत छन सोङ पनि पुगे। उनले चीनबाट आयात गरिएका लक्जरियस् गाडीहरुको अवलोकन गर्नुसँगै बीवाइडीले नेपालमा गरिरहेको कामबारे जानकारी पनि लिएका थिए।

प्रदर्शनीमा कम्पनीले बाओ ५, याङवाङको यु८ र डेन्जा जेड९ जीटी जस्ता गाडी प्रदर्शनीमा राखेको छ। बीवाइडीको ई-प्लेटफर्म ३.०, सार्क पिकअप इभी, बाओ ५ हाइब्रिड, डेन्जा जेड९ जीटी, डेन्जा डी९, याङवाङ यु८, ब्लेड ब्याट्री नेल पेनिट्रेसन जस्ता सबै प्रविधि यो कार्यक्रममा हेर्न सकिन्छ।

हाई-टेक विक अवलोकन गर्न कलार हरिवंश आचार्य पनि आज प्रदर्शनीस्थल पुगेका थिए।

प्रदर्शनीमा ६ करोड मूल्य पर्ने गाडीहरु शोकेस गरिएको छ। यो प्रदर्शनी फागुन १८ गतेसम्म संचालन हुनेछ।

The post बीवाइडीको ‘हाई-टेक विक’ अवलोकन गर्न पुगे चिनियाँ राजदूत छन् सोङ appeared first on BIZMANDU.

साँखुको सालीनदीमा जस्तै भक्तपुरको हनुमानघाटको त्रिवेणीधाममा पनि मेला लाग्ने गर्छ। भक्तपुरमा यो मेला नेपाल संवतको आठौँ शताब्दीदेखि सुरु भएको मानिन्छ। नेपाल संवत् ७२२ मा रणजीत मल्ल आफैँले व्रतको व्यवस्थापन गरेको शिलालेखमा उल्लेख छ।

व्रतालुले खाली खुट्टा पैदल नै तीलमाधवबाट तलेजु भवानीसम्म, सप्तमीमा पनौती गई त्रिवेणीमा बसेर स्नानपछि इन्द्रेश्वर महादेवको दर्शन गरी अष्टमीमा फर्कने, दशमीमा पशुपति गएर स्नान गरी जल चढाएर जयवागेश्वरी ताम्रेश्वर महादेवसम्म कलशयात्रा गर्ने, द्वादशीमा चाँगुनारायण शंखदहमा स्नान गरी कलश लिएर चाँगुनारायणको दर्शन गर्ने र माघ शुक्ल पूर्णिमाका दिन नगर परिक्रमा गरेर भूपतीन्द्र मल्लको मूर्तिमा इन्द्रकलश चढाएर एकमहिने व्रत समापन गर्ने परम्परा रहेको छ।

The post भक्तपुरमा माधवनारायण व्रत सुरु, हनुमानघाटमा स्नान (तस्विरहरु) appeared first on BIZMANDU.

ट्याक्सी वे विस्तारको उद्देश्य विमानस्थलमा हुँदै आएको एयर ट्राफिक कन्जेशन २० प्रतिशतले कम गर्नु हो। जसका लागि अहिले रातिदेखि बिहानसम्म धमाधम काम भइरहेको छ।

रात्रीकालीन कामका लागि १०० जनाभन्दा बढी जनशक्ति परिचालन भइरहेको नागरिक उड्डयन प्राधिकरणअन्तर्गत  हवाई यातायात क्षमता अभिवृद्धि आयोजनाका निर्देशक दीपेन्द्र श्रेष्ठले बताए।  

‘अहिले तीन वटा काम एकैपटक भइरहेको छ। दक्षिण-पश्चिमतर्फ प्यारलल ट्याक्सी वेको काम भइरहेको छ। पूर्वतिर ह्याङ्गर डेभलोपमेन्टको काम भइरहेको छ,’ उनले भने,’उत्तर-दक्षिणतर्फ इन्टरनेशनल एप्रोन र ट्याक्सीवेको काम भइरहेको छ।’

यी तीन वटै काम रनवेबाट ७५ मिटर दुरी र अपरेशन एरियासँग जोडिएको उनले जानकारी दिए।

‘अहिले काम धमाधम भइरहेको छ। जमिन मुनिको काम हो। खनेर हेर्दा पानी निस्किएको अवस्थामा अतिरिक्त समयम लाग्ने हो। तर, अहिले सम्म त्यस्तो देखिएको छैन,’ उनले भने ,’१० फीटभन्दा बढी गहिरो खाल्डो खनेर विभिन्न चरणमा माटो हाल्दै पुर्दै कम्प्याक्सन गरिरहेका छौं। ट्‍याक्सी वेको अन्तिम चरणमा कालोपत्रे गरिन्छ, एप्रोनमा ढलान गरिनेछ।’   

क्यानले एयर ट्राफिक कन्जेसन कम गर्नका लागि ट्याक्सी-वे विस्तार अगाडि बढाएको हो। धावनमार्गको मध्य भागबाट चारैतिर ७५ मिटर ट्याक्सी-वे विस्तारको काम भइरहेको छ। ७ वटा ट्याक्सी-वेलाई धावनमार्गसँग जोड्ने क्यानको तयारी छ।

ट्याक्सी वे विस्तारको काम एभिक इन्टरनेशनलले गरिरहेको छ। यो आयोजना सवा सात अर्ब लागतको हो। ट्याक्सी वे विस्तारको काम सकिएपछि धावन मार्गको क्षमता २० प्रतिशतले बढ्ने र एयर ट्राफिक कन्जेसन कम हुने भनिएको छ।  

यही विस्तारको कामको अनुगमन गर्न संस्कृति, पर्यटन तथा नागरिक उड्डयनमन्त्री बद्रीप्रसाद पाण्डेले अन्तर्राष्ट्रिय विमानस्थल पुगे। उनले निर्माणाधीन समानान्तर ‘ट्याक्सी वे’, ‘इन्टरनेशनल एप्रोन’ ‘ह्याङ्गर एप्रोन’ लगायत कामको स्थलगत अवलोकन गरे।

अनुगमनमा पुगेका मन्त्री पाण्डेले अहिले भइरहेको निर्माण सन्तोषजनक रहेको बताउँदै निर्धारित समयमै काम सकिनेमा आशावादी रहेको बताए। उनले काम सम्पन्न भएपछि विमानस्थलको उडान प्रभावकारी र गुणस्तरीय हुने विश्वास व्यक्त गरे।

त्यस क्रममा पाण्डेले हरेक परियोजना समयमा काम नहुने, ठेक्का तोडिने र सडक तथा भवन अलपत्र हुने अवस्था रहेको भन्दै यस्ता गतिविधि रोक्न सम्बन्धित स्थानीय तह, नागरिक समाजले पनि निर्माण कम्पनीलाई दबाब सिर्जना गर्नुपर्नेमा जोड दिएका थिए।

‘विमानस्थलमा भइरहेको निर्माणको गतिले तोकिएकै समयमा काम सकिन्छ भन्ने सन्देश दिनेछ,’ उनले भने।

The post त्रिभुवन अन्तर्राष्ट्रिय विमानस्थलमा राति धमाधम काम, यसरी बन्दैछ ट्याक्सी वे र ह्याङ्गर appeared first on BIZMANDU.

तराई/मधेशबाट आएर भक्तपुरमा विभिन्न पेसा, व्यवसाय गर्ने स्थायी तथा अस्थायी रूपमा बसोबास गरेकाले कमल पोखरीमा छठ मनाएका छन्। सिङ्गारिएको पोखरीमा मूर्ति राखेर पूजा गरिएको छ।

छठपर्वको अवसरमा बिहीबार साँझ अस्ताउँदो सूर्यलाई अर्घ्य दिइएको छ। शुक्रबार सप्तमीका दिन उदाउँदो सूर्यलाई अर्घ्य दिएपछि विधिवत् रूपमा छठ समापन हुन्छ।

कार्तिक शुक्ल चतुर्थीदेखि सप्तमीसम्म मनाइने सूर्यदेवको आराधना, उपासना र पूजा गरिने यो पर्व मंगलबारदेखि सुरु भएको हो। ऐतिहासिक पौराणिक ग्रन्थ महाभारतमा उल्लेख भएअनुसार द्रोपदीसहित पाँच पाण्डव अज्ञातवासमा रहँदा उक्त गुप्तवास सफल होस् भनी सूर्यदेवलाई आराधना गरिएको थियो।

The post अस्ताउँदो सूर्यलाई अर्घ्य दिँदै भक्तपुरको कमल पोखरीमा भव्य रुपमा मनाइयो छठ पर्व appeared first on BIZMANDU.

आज यमपञ्चकको कुनै चाड नभएकोले पनि किनमेल गर्नेको संख्या बढेको हो।

वसन्तपुरमा मखमली, सत्रपत्री लगायत फूल किन्नेको घुँइचो लागेको छ। म्ह:पूजाका लागि सयपत्री र भाइटीकाका लागि सयपत्रीसँगै मखमली फूलको माग बढी हुन्छ।

The post वसन्तपुरमा फूलको व्यापार, म्ह:पूजा र भाइटीका लागि मखमली र सयपत्री बिक्री हुँदै appeared first on BIZMANDU.

काठमाडौं उपत्यकाको मुख्य व्यापारिक कम्प्लेक्ससँगै सरकारी भवनहरु समेत झिलिमिली बत्तीबाट सजिएका छन्।

दीपावलीले काठमाडौं उपत्यकालाई झिलिमिली बनाएको हेर्न मानिसहरु नजिकका डाँडासमेत पुगिरहेका छन्।

The post लक्ष्मीपूजामा झिलिमिलि काठमाडौं उपत्यका, घरदेखि मल बत्तीले सजिए (तस्विरहरु) appeared first on BIZMANDU.

नर्सरी व्यवसायी संघ नेपालले उक्त एक्स्पोको आयोजना गरेको हो। एक्स्पोमा देशभरका नर्सरी व्यवसायीहरूले स्टल राखेका छन्।

सम्पूर्ण नर्सरी क्षेत्रका विज्ञ तथा प्राविधिकहरूसँग एक्स्पोमा प्रत्यक्ष भेटेर सल्लाह सुझाव लिन सकिने आयोजकले जनाएको छ। एक्स्पोमा पुष्प नर्सरी, कृषि, वन तथा जडीबुटी नर्सरी, फलफूल नर्सरीको व्यावसायिक उत्पादनको प्रदर्शनी तथा बिक्री भइरहेको छ।

नर्सरी व्यवसायीसम्बन्धी सघन जानकारी यहाँ लिन सकिन्छ। एक्स्पोले नव उद्यमी, अध्ययन तथा अनुसन्धानकर्ताका लागि वृहत साझा मन्चको काम गरेको संघको दाबी छ।

एक्स्पोमा फूलका साथै घर आँगन तथा बगैँचा सजावटका लागि आवश्यक सबै सामग्री पनि पाइन्छ।

The post भृकुटीमण्डपमा तिहार फ्लोरा एक्स्पो, देशभरका नर्सरी व्यवसायीको उत्पादन प्रदर्शनीमा appeared first on BIZMANDU.

फूलको व्यापार गर्नेलाई पनि भ्याइनभ्याइ छ। यही बेला भक्तपुरको ‘पोटरी स्क्वायर’ मा माटाको भाडाहरू लस्करै राखिएका छन्।

अरु समयमा भन्दा तिहारको बेला माटोको दियो (पाला)को माग बढी हुने गर्छ। तर अहिले भने पहिलाको जस्तो उमंग यहाँ माटोको भाडा बनाएर जिविकोपार्जन गर्नेमा देखिन्‍न।

पहिला तिहारमा माटाको ग्राग्रो, गमला, खुत्रुके लगायतका भाडा पनि किन्‍ने मान्छे यहाँ पुग्ने गर्थे। अचेल त्यो भिड प्लास्टिकका भाडातर्फ मोडिएका छन्।

पाला बिक्री हुने सिजन भने तिहार नै हो। तर अहिले यसको माग पनि घट्दो छ। पहिला दियोमै भरिन्थ्यो तेल, बालिन्थ्यो बत्ती। अहिले भने बिजुली बत्तीको झिलिमिलीले सहरलाई छोप्छ।

बिजुली बत्तीको व्यापक प्रयोग हुनुअघि मैनबत्तीले परम्परागत दियोको प्रयोगलाई घटायो। त्यसपछि बिजुलीका झिलिमिली र सस्ता बत्तीहरूले। पछिल्लो पटक दियोकै आकारमा बत्तीहरू भित्रिन थाले। त्यसले त झन् माटोको दियोको व्यापार खस्कायो।

भक्तपुरका विनोदकुमार प्रजापतिले माटोलाई दियोको आकार दिन थालेको करिब १५ वर्ष भइसक्यो। हरेक वर्ष उनकोमा पाला बनाएको तस्विर र भिडियो खिच्नेहरू भने कमी भएको छैन। घटेको छ त केवल किन्‍ने ग्राहक।

‘व्यापार पहिलाभन्दा घटेको छ। तर अहिले माटोको दियो प्रयोग गर्नेहरू बिस्तारै बढ्दैछन्,’ उनले भने।

अहिले तिहारमा परम्परा धान्‍न मात्रै पालाको प्रयोग हुने गर्छ। तर बजार घटे पनि परम्परा धान्‍न चाहनेहरू अहिले पनि उत्तिकै सक्रिय छन्।

संस्कृति जोगाउनु पर्छ भनेर पालाकै प्रयोग गर्नेहरू बिस्तारै बढिरहेको पाला उत्पादकहरूको बुझाइ छ। त्यसैले भक्तपुरमा माटोले आकार पाइरहेको छ। त्यही आकारमा अडिनेछ तेल र जल्नेछ तिहारमा दियो।

The post तिहारमा बल्न तयार भए दियो, व्यापार घटे पनि भक्तपुरमा रोकिएको छैन पालाको उत्पादन appeared first on BIZMANDU.

अझ फूल टिप्न थालेपछिको माहोल झनै बेग्लै। तिहार नजिकिएकाले फूल टिप्न यहाँका किसानलाई भ्याइनभ्याई छ। टिप्नेले माला बनाउनेसम्म फूल पुर्‍याउने र फूल जम्मा पारेर माला गाँस्ने गरिन्छ।

तिहार नजिकिएसँगै फूलको माग उच्च हुन्छ। तिहारको बेला फूलको माग बढी हुने हुने भएकाले परिवारका सबैजना यही पेसामा जोडिन्छन्। त्यतिले नभ्याएदेखि खेताला नै चाहिन्छ फूल टिप्न र माला गाँस्न।

फूल लिन गाडी लिएरै गुन्डु पुग्छन् व्यापारीहरू। किसानसँग गोटाको २०/२१ रुपैयाँमा किनेर व्यापारीहरूले बजारमा लगेर ५० देखि १०० रुपैयाँसम्ममा बिक्री गर्ने गर्छन्।

पछिल्लो समय गुन्डुमा मखमलीखेती बढे पनि यसप्रतिको आकर्षण भने घटेको किसान बताउँछन्। पहिले गुन्डुमा मात्रै हुने मखमलीखेती अहिले गुन्डु वरपर पनि फैलिएको छ। किसानका लागि तिहारमा यो फूल आम्दानीको राम्रो स्रोत भएको छ।

फूल आयात नगरी नचल्ने स्वदेशी बजारका लागि गुन्डुको उत्पादन पर्याप्त भने होइन। तर, यहाँका किसानले फूलको खेतीलाई वर्षौंदेखि निरन्तरता दिएका छन्। पानी लाग्ने तर नजम्ने भिराला पाखाहरुमा फूल खेती फस्टाउने गरेको छ। सयपत्रीका तुलनामा टिपेको धेरै दिनसम्म ओइलाएको थाहा नहुने भएकाले मखमलीको आकर्षण बिछट्टको छ।

The post गुन्डुमा तिहारका लागि तयार भए मखमली, धमाधम टिप्दै माला गाँस्दै (फोटो फीचर) appeared first on BIZMANDU.