काठमाडौं। बैंकको ब्याजदर घट्दा सेयर बजारमा ऋणपत्रको कारोबार ह्वात्तै बढेको छ।

आर्थिक वर्ष २०८३/८४ को दुई महिनामा २ अर्ब ५१ करोड १२ लाख रुपैयाँको ऋणपत्र किनबेच भएको छ। यो गत आर्थिक वर्ष साउन र भदौको तुलनामा ६६९ प्रतिशत धेरै हो। पोहोर दुई महिनामा ३२ करोड ६४ लाख रुपैयाँको ऋणपत्र किनबेच भएको थियो।

चालु आर्थिक वर्ष भदौमा १ अर्ब १९ करोड रुपैयाँको ऋणपत्र किनबेच भएको छ। बैंकको मुद्दतीमा गरेको लगानीले लागत समेत उठ्ने नदेखिएपछि संस्थागत लगानीकर्ताहरु ऋणपत्रको कारोबारतिर आकर्षित भएका हुन्।

भदौमा एग्रिकल्चर बण्ड सबैभन्दा धेरै १ अर्बको कारोबार भएको छ। जसको मूल्य प्रति ऋणपत्र १ हजार १५ रुपैयाँ छ। बजारमा सबैभन्दा महँगो महालक्ष्मी डिबेञ्चरको भाउ प्रति ऋणपत्र १३४१ रुपैयाँ छ।

कुन ऋणपत्रको कति कारोबार ?