काठमाडौं। घट्ने क्रममा ब्रेक लाग्दै सुनचाँदीको कारोबार मूल्य बुधबार बढेको छ। अघिल्लो दिनको भन्दा सुन तोलामा ८ सय रुपैयाँ र चाँदी ५५ रुपैयाँ बढेको हो।
सुनको कारोबार मूल्य प्रति तोला २ लाख ८४ हजार ८ सय रुपैयाँ निर्धारण भएको नेपाल सुनचाँदी व्यवसायी महासंघले जनाएको छ।
मंगलबार सुन तोलामा एक हजार २ सय रुपैयाँले घटेर प्रति तोला २ लाख ८४ हजार रुपैयाँमा कारोबार भएको थियो। सोमबार सुन तोलाको २ लाख ८५ हजार रुपैयाँ थियो।
चाँदी तोलाको ४ हजार ४ सय १५ रुपैयाँ पुगेको छ। अघिल्लो दिनका तुलनामा तोलामा ५५ रुपैयाँ बढेर कारोबार मूल्य कायम भएको हो। मंगलबार प्रति तोला ४ हजार ३ सय ६० रुपैयाँ थियो।
अन्तर्राष्ट्रिय बजारमा सुनको मूल्य बढेर प्रति औंस ४०२६.२४ डलर पुगेको छ। चाँदी प्रति औंस ५८.२७ डलरले कारोबार भइरहेको छ। मंगलबार सुन प्रति औंस ४०२३.३२ डलर र चाँदी ५७.९७ डलर थियो।
