काठमाडौं। सरकार गठन भएको तीन महिनाभन्दा लामो समयपछि प्रधानमन्त्री बालेन्द्र शाहले निजी क्षेत्रका व्यवसायीका प्रतिनिधिसँग छलफल गर्ने भएका छन्।
प्रधानमन्त्री निकट स्रोतका अनुसार बुधबार शाहले नेपाल उद्योग वाणिज्य महासंघ र नेपाल उद्योग परिसंघका प्रतिनिधिसँग छलफल गर्न लागेका हुन्।
राष्ट्रिय स्वतन्त्र पार्टी (रास्वपा) का सांसद विदुषी राणाको संयोजनमा प्रधानमन्त्री र व्यवसायीको भेट हुन लागेको हो। भेटमा अर्थतन्त्रको वर्तमान अवस्था तथा निजी क्षेत्रको भूमिकाबारे छलफल हुने जनाइएको छ।
छलफलमा व्यावसायिक संस्थाका प्रतिनिधि सहभागी हुने जनाइएको छ।
