काठमाडौं। सुनको मूल्य बुधबार स्थिर छ। मंगलबार सुन तोलामा ४ सय रुपैयाँ बढेर प्रति तोला ३ लाख ११ हजार ३ सय रुपैयाँमा कारोबार भएको थियो।
नेपाल सुनचाँदी व्यवसायी महासंघका अनुसार सोमबार सुन २ सय रुपैयाँ घटेर प्रति तोला ३ लाख १० हजार ९ सय रुपैयाँमा थियो।
चाँदीको मूल्य भने बुधबार तोलामा ३५ रुपैयाँ घटेको छ। चाँदीको भाउ प्रति तोला ५ हजार ३७० रुपैयाँ निर्धारण भएको छ।
महासंघका अनुसार मंगलबार चाँदी प्रति तोला ५ हजार ४०५ रुपैयाँ थियो।
अन्तर्राष्ट्रिय बजारमा सुनको मूल्य घटेर प्रति औंस ४४६९.०९ डलर छ। चाँदी प्रति औंस ७४.७४ डलर भएको छ।
मंगलबार सुन प्रति औंस ४५१७.३१ डलर र चाँदी प्रति औंस ७५.८ डलरमा कारोबार भएको थियो।
