काठमाडौं। सन नेपाल लाइफ इन्स्योरेन्सका चार सञ्चालकको पदावधि थप गरिएको छ।
संस्थापक सेयरधनीका तर्फबाट सञ्चालक समितिमा प्रतिनिधित्व गर्ने अनुज क्याल, सशांक अग्रवाल, किरण केसी र नारायण रुंगटाको पदावधि आगामी साधारण सभा नभएसम्मका लागि थप गरिएको हो।
उनीहरुको चार वर्षे पदावधि वैशाख ८ गते सकिंदै थियो। त्यही कारण सञ्चालक समितिको आइतबार बसेको बैठकले पदावधि थप्ने निर्णय गरेको हो।
क्याल इन्स्योरेन्स सञ्चालक समितिका अध्यक्ष हुन्। उनले अध्यक्षमा निरन्तरता पाएका छन्।
क्याल, अग्रवाल, केसी र रुंगटा २०७४ फागुन ४ गते कम्पनीको सञ्चालक नियुक्त भएकामा उनीहरुले २०७९ वैशाख ९ गते पुनर्नियुक्ति पाएका थिए।
