काठमाडौं। सुनको मूल्यमा भारी गिरावट आएको छ। सुनको मूल्य आइतबार प्रति तोला ११ हजार ६०० रुपैयाँ घटेको हो।
अन्तर्राष्ट्रिय बजारमा मूल्य घटेको प्रभाव नेपाली बजारमा परेको हो। नेपाल सुनचाँदी व्यवसायी महासंघले सुनको भाउ आइतबार प्रति तोला २ लाख ४१ हजार ९०० रुपैयाँ तोकेको छ।
चाँदीको मूल्य प्रति तोला २६५ रुपैयाँले घटेर ३ हजार १५ रुपैयाँमा आइपुगेको छ।
कात्तिक ३ गते सुन प्रति तोला २ लाख ५३ हजार ५०० र चाँदी ३ हजार २८० रुपैयाँका दरले कारोबार भएको थियो।
त्यसको भोलिपल्ट अन्तर्राष्ट्रिय बजारमा भाउ करिब ७ प्रतिशतले घटेकामा महासंघले तिहार बिदा देखाएर नयाँ भाउ तोकेको थिएन।
अन्तर्राष्ट्रिय बजारमा आइतबार प्रति औँस सुन ४ हजार ११३ र चाँदी ४८ अमेरिकी डलरमा कारोबार भइरहेको अन्तर्राष्ट्रिय सञ्चारमाध्यमले जनाएका छन्।
