काठमाडौं। अर्थमन्त्री डा. स्वर्णिम वाग्ले अमेरिका पुगेका छन्। उनी गएराति अमेरिका पुगेका हुन्।
उनलाई वासिङ्टनडीसीस्थित कार्यवाहक राजदूत शरदराज आरनले स्वागत गरेका छन्। मन्त्री वाग्लेले सोमबार अमेरिकी अर्थमन्त्री स्कट बेसेन्ट (सेक्रेटरी अफ द ट्रेजरी) र विश्व बैंक समूहका अध्यक्ष अजय बंगासँग भेटवार्ता गर्ने तालिका छ।
भेटवार्ताका क्रममा द्विपक्षीय सहयोग अभिवृद्धि, पुनर्निर्माण, नेपाललाई एफएटीएफको ग्रे-लिस्टबाट निकाल्ने लगायत विषयमा छलफल हुने मन्त्री वाग्लेको सचिवालयले जनाएको छ।
