काठमाडौं । खाडी संकटसँगै अन्तर्राष्ट्रिय बजारमा मूल्य बढ्न थालेपछि स्थानीय बजारमा चार दिनदेखि सुनको भाउ लगातार उकालो लागिरहेको मंगलबार सुनको भाउ तोलामा २ हजार ५०० रुपैयाँले बढेको छ।
नेपाल सुनचाँदी व्यवसायी महासंघका अनुसार आज सुनको कारोबार मूल्य प्रति तोला ३ लाख २८ हजार ६०० रुपैयाँ निर्धारण भएको छ।
सोमबार सुनको भाउ तोलामा ५ हजार ६०० रुपैयाँले बढेर प्रति तोला ३ लाख २६ हजार १०० रुपैयाँमा कारोबार भएको थियो।
आज चाँदीको मूल्य तोलामा २०५ रुपैयाँले घटेर प्रति तोला ५ हजार ८१५ रुपैयाँमा आइपुगेको छ। सोमबार चाँदी तोलामा ३५ रुपैयाँ बढेर प्रति तोला ६ हजार २० रुपैयाँ पुगेको थियो।
त्यस्तै, आज अन्तर्राष्ट्रिय बजारमा सुनको मूल्य बढेर प्रतिऔंस ५३६२.१ डलर पुगेको छ। चाँदीको भाउ घटेर प्रतिऔंस ८९.९४ डलर भएको छ।
