काठमाडौं। सिद्धार्थ प्रिमियर इन्स्योरेन्सले लाभांश घोषणा गरेको छ। इन्स्योरेन्सको सञ्चालक समितिको बिहीबार बसेको बैठकले सेयरधनीलाई कर सहित २५ प्रतिशत नगद लाभांश दिने निर्णय गरेको हो।
कम्पनीका सेयरधनीले गत आर्थिक वर्ष २०८१/८२ को मुनाफाबाट ७० करोड १६ लाख ३७ हजार रुपैयाँ लाभांश पाउनेछन्। यो रकम करसहित हो।
इन्स्योरेन्सको चुक्ता पुँजी अहिले २ अर्ब ८० करोड ६५ लाख रुपैयाँ छ। नेपाल बीमा प्राधिकरणको स्वीकृति र इन्स्योरेन्सको साधारण सभाबाट पारित भएपछि सेयरधनीले प्रतिफल पाउनेछन्।
इन्स्योरेन्सले सेयरधनीलाई आर्थिक वर्ष २०८०/८१ मा ३० प्रतिशत र २०७९/८० मा ११ प्रतिशत नगद लाभांश वितरण गरेको थियो।
