काठमाडौं। सिटिजन लाइफ इन्स्योरेन्सले सेयरधनीलाई एक अर्ब रुपैयाँ लाभांश बाँड्ने भएको छ।
इन्स्योरेन्स सञ्चालक समितिको बुधबार बसेको बैठकले गत वर्षको मुनाफाबाट सेयरधनीलाई चुक्ता पुँजीको २० प्रतिशत नगद लाभांश वितरण गर्ने निर्णय गरेको हो। यो लाभांश कर प्रयोजनसहित हो।
इन्स्योरेन्सको चुक्ता पुँजी हाल ५ अर्ब रुपैयाँ छ। कम्पनीले नेपाल बीमा प्राधिकरणबाट स्वीकृत भएपछि आफ्नो नवौं वार्षिक साधारण सभाबाट पारित गरेर सेयरधनीलाई लाभांश वितरण गर्नेछ।
