काठमाडौं। टीभीएसको नयाँ बाइक अपाच्चे आरटीएक्स भारतीय बजारमा सार्वजनिक भएको छ।
कम्पनीले बाइकको मूल्य १ लाख ९९ हजारदेखि २ लाख २९ हजार भारुसम्म राखेको छ। यो बाइक ३ वटा भेरियन्ट बेस, टप र बीटीओमामा उपलब्ध छ।
कम्पनीले यो बाइकले सुजुकी भी स्ट्रोम एसएक्स र याज्जी एडभेन्चरसँग प्रतिस्पर्धा गर्ने बताएको छ।
बाइकमा रहेको न्यु आरटी-एक्सडी ४ इन्जिनले ३६ हर्सपावर र २८.५ एनएम टर्क उत्पादन गर्न सक्छ। यो बाइकमा २९९ सीसी क्षमताको इन्जिन छ। साथै यसमा ६ स्पिड गियरबक्स छ।
बाइकमा राइडिङ मोड, क्रुज कन्ट्रोल, स्वीचएबल ट्र्याक्सन कन्ट्रोल जस्ता फिचर उपलब्ध छन्।
यसको ग्राउन्ड क्लियरेन्स २०० एमएम छ। यस्तै युएसडी फोर्क र मोनोस्क गरी दुबै सस्पेन्सन १८० एमएमको राखिएका छन्। अगाडि १९ इन्च र पछाडि १७ इन्चको ह्वील उपलब्ध छन्।
दुबै ब्रेकिङ सिस्टम डिक्समा राखिएको छ। जसमा डुअल च्यानल एबीएस सिस्टम पनि उपलब्ध छन्।
