काठमाडौं। ठहिटी, असन, भेंडासिंह, इन्द्रचोक, महाबौद्ध, किलागललगायतका क्षेत्रमा नेपाल टेलिकमको सेवा अवरुद्ध हुने भएको छ।
दूरसञ्चार कार्यालय सुन्धाराअन्तर्गतका क्षेत्रमा सञ्चालित फाइबर टु द होम (एफटीटीएच) नेटवर्कको आन्तरिक मर्मतसम्भार तथा स्तरोन्नतिको काम गर्नुपर्ने भएकाले सेवा अवरुद्ध हुन सक्ने टेलिकमले जनाएको छ।
कम्पनीले शुक्रबार राति ९ बजेदेखि शनिबार बिहान ७ बजेसम्म ती स्थानमा टेलिफोन, इन्टरनेट, टिभी सेवा अवरुद्ध हुन सक्ने कम्पनीले जनाएको छ।
